أودّع صاحبــــي وأعلـــن غروبــــي .,.,

بسم الله الرحمن الرحيم مساكم الله بالخير جميعا


كيفا الحال انتو بخري جميع


المهم أنا أبهديكم قصيده عسى تتونسون بقرايتها...







دعيـت الله يغفـرلـي ذنـوبـي
ويحشرني مع النـاس التقيّـه.....
ويانفسـي مـن الـزلّات تـوبـي
قبل يانفس ماتدنـو المنيّـه.......
دريـت ان الفـرح ماهـو بثوبـي
وثوب الحزن مضبوط(ن) عليه....
ودرب الخير ماهـو مـن دروبـي
ودرب الشر ناويلي بنيّـه........
وعينـي ماتنـام الليـل دوبــي
على الضيقه وآهات(ن) خفيّـه...
كثيـر الحـزن لكـن مـادروبـي
وخلوني على نار(ن) لظيّـه......
شربت المر مـن كاسـي وكوبـي
وذقت الويل والعيشـه شقيّـه....
كذا من دون سبـه هـم قسوبـي
ومدري وش سبب ذيك القسيـه...
ولو هو عيـب اذكرلـي عيوبـي
أبعترف بعيوبي والخطيّه..........
وأدري مايجـي هالعيـب صوبـي
ولكن سيّر الكلمه شويّـه.........
بنيت الحب طوبـه فـوق طوبـي
وأهديت العمر لأجله هديّـه.......
زرعت الحب في أرض(ن) خصوبي
وأسقيت الغلا ماي(ن) نقيّـه......
وكان الشـوق للمسمـع طروبـي
وكان الحب يجمعنا سويّـه........
وعانيـت الألـم ليـن انتهـوبـي
بهجران الحبايب والجفيّـه........
أودّع صاحبـي وأعلـن غروبـي
خلاص الحب مالي فيـه جيّـه....
عثوبـي يازمـن والله عثـوبـي
ويامسكين وش كبـر البليّـه.....
خذونـي للعنـا يمّـه سـروبـي
وسابونـي لضيقـي والأذيّـه.....
وألقـى طيفهـم دوبـه بـدوبـي
يجاذب خاطري يغـري يديّـه.....
يودّينـي شمـال(ن) ثـم جنوبـي
ويصفقني بضربات(ن) قويّـه....
ويلعب بـي كمـا لعـب اللعوبـي
ويغريني بلحظـات(ن) هنيّـه....
ولكـن راح مـع ريـح الهبوبـي
وماترجـع سنيـن(ن) أوليّـه.....
صحيح البعد لو وجه(ن) شحوبـي
ونزلاته وصرخاتـه دويّـه.......
تصبّـر بالأمـل والعلـم غـوبـي
وخل الروح في عـزه غنيّـه....
وتـدري العـز يبغالـه ركـوبـي
ودرب العز هو الخيـر المطيّـه...
سـلام العـز لرجـال(ن) وفوبـي
رجال(ن) للعلى تبقـى سميّـه....
رجال(ن) ماحصل يوم(ن) وشوبـي
وماجابوا على سمعي دنيّـه......
لـدرب الخيـر والعـزه مشوبـي
وهلي للخير والعزه وفيّـه........
سـألـت الله يغـرلـي ذنـوبـي
ويحشرني مع الناس التقيّـه......






وسلامتكـــم

مشكور اخوي ع موضوع


الله يعطيك الف عافيه



تقبل مروري

تحياتي لك


شكرااااا