وين انت يا ملهم قصيدي اناديك!!!
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب
وش يقول اللي تعود يلتقيك
يوم عمره مالقى عقبك غلا
ماقدر في بعدك إلا يحتريك
وماعرف في غبيتك غير الوله
كم تمنى بالوفا لو يحتويك
في خفوق باصدق الود امتلا
لوبيدينه بس يقدريجيك
مايحول الوقت دونه والملا
ذكرتك والدروب اللي تعانق خطوتك بسكات
انا مازلت اسافربين نظراتك وكلماتك
وانطفا جمر السلام وذابت الشمعات
ذكرتك واستفزيت من شوق بسماتك
انت في راحة وانا اقول هيهات
انا لاجيت ابرتاح تطاردني بنظراتك..
وين أودي شوق قلبي والوله
لو غديت بعيد عني ماأسمعك
تملك احساسي وفكري تشغله
ترحل طيوفك وفكري يجمعك
هاك قلبي ..
هاك ليتك تقبله
خذ سنين العمر أوخذني معك
انت تالي العمر وانت أوله
من يقول اني نسيتك يخدعك...
ليتك تمر اليوم عندي وأحاكيك ...
وأقولك من كثر شوقي اعلومي ...
حتى القمر لو تطلبه قال لبيك ...
يخضع وتخضع من وراه النجومي ...
ماسر قلبي غير حبك وطاريك ...
أشتاق لك حتى وأنا في احلومي ...
جيتك وانا ماني بتايه الراي ..
جيتك وانا مدري وش اللي بغيته..
وان كان تنشد ليه انا جاي ..
ابشرك برد يقنعك لا قريته ..
ان مر يوم بالعمر منت وياي .
اشتاقلك شوق المسافر لبيته ..
لاتلومني لا جيتك كلي من اقصاي ..
مافيه غيرك لاتضايقت جيته
يا مبعدن عن شوف عيني مسافات
لاتحسب انه يخلف البعد ظني
حبك بقلبي شامخ مابعد مات
ما هزته بعدالمسافات
عني لو نبتعد روحي وروحك قريبات
الغلا جمعهم غصب عنك وعني
ودمــــ//ـــــــتــــــ//ــــــــــم
الخميس 26 يونيو 2008 - 9:08
