بسم الله الرحمن الرحيم سلام الله عليكم جميعاا
الشعر بابه مادرتبه عيونـــي .,.,.,.,. مثل العمــيّ اللي وسط ظلمة الكوخ
لكن ترى قلبي درابه شفوني .,.,.,.,. أقطف ثمار الشعر توته مع الخــوخ
هذي قصيد اهداء للجميع عساها تنال اعجابكم ...
ياصاحبي لا تنشد العين.. مانمت **** دايم على ذكر المواجع أنوحــــــــــــــي
والظاهر اني من زماني تعلمّــت **** الصبر يبقى والليالي تروحــــــــــــــــي
العين تسبق هرجتي لا تكلمـّـــت **** والشمس معروفه بشدة وضوحــــــــــي
شفتني البارح أنا جيت سلمـّــــت **** أحكي وأسولف تحسب اني مزوحـــــي
ماني سعيد ولكن اني توهمـّــــت **** أتوهّم الفرحه وكلي جروحـــــــــــــــي
تصّدق اني للفرح والسعد صمت **** أخبي جروحي غير دمعي فضوحـــــي
مصدوم من هول المواجع تبلّمت **** والمشكله تكبر بجوّات روحـــــــــــــي
ياللي شكيتك من جروحي تفهّمت **** أدري بتفهم دون أحكي وأبوحــــــــــي
منت الذي لا جيت أشكيلهم لمـت **** لا .. لا .. وربي انت أغلى طموحــــــي
لا صرت متبعثر بقايايا لملمـــت **** ولا صرت مخطي صرت فيني نصوحي
ياصاحبي بالخير والسعد لي دمت *** يالله عسى تحيا حياتك فروحـــــــــــــــي
مادام بالمعروف والحق بي قمت **** دامك على الماجوب منت بشحوحــــــي
مافيه لحظه في حياتي تندّمــــت **** مادام ورد الطيب منّك يفوحـــــــــــــــي
أخلصتلي ياصاحبي حب وأتمّمت *** أتممّت في مبنى الحبايب صروحــــــــي
في مركب العشاق عنّي تقدّمـــت *** وأصبحت رايه في سمايا تلوحــــــــــــي
بالحب والتقدير بالجوف أضرمت *** نار الدفا ماهي بنار(ن) لفوحــــــــــــــي
ماجيت مترّدد ترى جيت صمّمت *** في رد بعض اللي علينا منوحــــــــــــي
مسموح لو آذيت نفسي وأجرمت **** سوّي الذي تبغا ومنّي سموحــــــــــــي
يالله ياللي دون نورك تهدّمـــــت **** ياللي رحيم وباب عطفك فتوحــــــــــي
مهما شكيت لدون ربي وأعلمــت **** ماغير ربي للخطايا صفوحــــــــــــي
أسلمت وجهي للذي فيه أسلمــــت **** يالله عسى عنّي همومي تزوحــــــــي
يالله بي ضيقه ومنها تكتّمــــــــت **** ضيقه تخبّي ضيق واجد جموحـــــــي
ضيقه عليها مقدر الصبر مارمت **** ضيقه وتوصل للجبال السفوحــــــــي
مهما كثير الهم بالقلب عظّمــــت **** مهما كتبت الحزن في جوف لوحـــــي
مهما لفك الضيق حاولت وأقدمت **** مهما أبفعل جيت ولاّ .. أروحــــــــــي
وقت الصفا راجعت نفسي وقلّمت **** بعض الخطا والصدر رحب(ن) شروحي
جيت البلا والضيق جيته وعزّمت **** كافي بحور الهم فيها سبوحــــــــــي
ماجيت أنسى لكن اليوم عمــّـمت **** عمّمت في نسيان همي ونوحـــــــــي
مهما يطول الهم مهما تألّمــــــت **** اذكر مليك الكون مبري الكسوحـــــي
وآخر كلام بخير مرسول ختّمت **** المصطفى العدنان أفضل نصوحـــــي
وسلامتكم جميعااا
السبت 28 يونيو 2008 - 9:12
