بتنــدمين يا بنت وبتقولي صـدق قال .. بتعضـــي صبعج من نــــــــــدم وبتذكريني
وش كنتي مجبوره عليه اف كل الاحوال .. وانتي الذي خذتي وما قلت لج عطيني
الله عليج وشلون غربلتيني غربال .. حتى بحاجتي لج ما ترحميني
كنت اعشقج عشق مجنون الافعال .. وما جا على بالي تروحي وتتركيني
جيتتج بمركب الشوق وشديت الاحبال .. جيتج بصدق المشاعر اهتويج وتهتويني
عـديت ظهور لحب وانتي على البــــال .. جيتــــــــج وشفت الروح ملتاعه فيني
وعينج ابعيني والدمع منج سال .. قلتي كثير (( ياما حلفت انك تبيني ))
مرت سنين اربع وتبدل الحال .. وبدون اعذار سمعت انك تبدليني
يا كبرها عند العرب شغلة انذال .. وبالظهر كم طعنه ودج تطعنيني ؟؟
جمعت حب الكون كله وظللته بظلال .. كل ما ملكته عطيتج واتي تنثريني
عطيتج في الثريا قصر ودفنتيني دفن الاذلال .. رويتج من غدير سنين وكاس الذل رويتيني
رسمت الصدق بعيونج وصرت الفارس الخيال .. ابوذ الخيل بعزومه تجين انتي تذوديني
نورج سطا في مهجتي والحب قتال .. سم الافاعي سرى ومسراه فيني
كنتي بروحي نبض وبسماي هلال .. كنت اسكن ابخاطرج وانتي تملكيني
كنتي صدى همسي ولهمي شيال .. وكنتي العروق النابضه لسنيني
بالصدق جيتج وجريت بالحب موال .. لا نفع حبي ولا عدتي تنفعيني
كذبتي والكذب خيبه وخيبتي بج الآمال .. حلفتي بحلف يمين الله بأنج ما تخليني
هدمتي ما بنيته لج على مر السنين الاطوال .. هدمتي هالمعزه وانا من ساسي هدمتيني
يا شين طبعج ويا شين منج الافعال .. تعليم من هذا ؟؟ عليج الله علميني
طعن وطعنتي وخنجرج سبب لي اقوال .. والكل يشمتني وانادي وما تسمعيني
ماعاد مزن الخير ينطرني الفال .. وانا اللي حسبتج على العالم وانتي تبديني
من كاس هجرج والمراره ذقت اشكال .. السيف بحد الظهر والدم بعيني
كل ما اجيج يمين تجيني شمال .. وكل ما اجيج شمال تلويني يميني
انا ما تهمني الدنيا ولا يهمني الاهمال .. تعرفيني عزيز النفس كبير القلب تعرفيني
انا اللي همني انسان سرق قلبي واحتال .. سرق مني هني الوقت وعمد انه يبكيني
اعرف انج راجعه و ودج اوصال .. وصلي لج الصد يوم انج تبيني
احلف يا بنت بالله الرد محال .. من ذقت غدره مره خله يعفيني
هذاك اول كان لج بالقلب منزال .. واليوم رجاءً لا اجب ولا تجيني
ودي بكلمه قبل لا تحظنني الرمال .. اقول لها يا الله ارفع يميني
وارفع يدي للسما والدمع همال .. واقول حسبي الله على اللي العبت فيني
كنتي دنيتي ع الناس وعليج افضال .. والناس ما نكرت وانتي تنكريني
كلِِِِ يعرف معدنه لو الزمن طال .. طال الزمن او قصر مصيرج تذكريني
اعتب على قلب لها صار ميال .. والله يسامح خطوة يمها تمشيني